Header

Jahresbricht Jugendvolleybau 2015

Nach de Summerferie hei mirs sehr gnosse, das mir ändlich ume hei uf ds Beachfäud chönne.

Mir trainiere immer no i zwone Gruppe. So gits e fliessende Übergang zu de Fortgschrittene, u di ganz Agfrässene chöi grad zwöi Training nachenang absolviere. Mängisch cha ni di eutere o chli für ds Häufe yspanne.

Wi jedes Jahr hets nach de Summerferie e grosse Wächsu gä, wüu einegi si us dr Schueu cho oder süsch ke Zit me hei gfunge für ds Volleybäuele. Wüu o geng es paari fähle, hets ir zwöite Gruppe säute 12 Lüt zum Spile. Leider het sich dr Philip, wo süsch regumässig i beidi Training chunnt u mir immer ds Netz ufsteut, im letschte Oktobertraining verletzt u isch bis zur Wiehnacht usgfaue. Derzue chunnt, dass ds KUW usgrächnet am Donnschtig isch u drü vo de Modi ersch ume im Juni chöi cho. Wo ni mir ha überleit, nume no ei Gruppe ds mache, si plötzlich ume fasch aui ir Haue gstange. 

D Afänger si sehr motiviert u taläntiert. Dr  Trainingsbsuech isch i dere Gruppe besser.

Erstunlicherwys hei wider drei Giele der Zuegang zum Volleybau gfunge u ds Niveau isch o ir erschte Gruppe scho rächt guet.

Am Heimturnier vo de Erwachsene het ds Team mit de ehemalige Jugispiler dr 1. Rang chönne hole. Bravo!

 

Mängisch wär i sehr froh um ne Verträtig. Faus öpper säuber gärn würd leite oder öpper wüsst, bitte bi mir mäude.

 

Silvia Kaimonoff